January 24, 2023 khan Kohhran pawl hrang hrang aiawha hruaitu kal khawmten ‘Council of Churches in Mizoram’ din hi an lo rel tawh a. Drafting Committee dinin hma lak chhoh a ni a. Council of Churches in Mizoram din tura inthurualte hi kohhran panga - Presbyterian Kohhran, Baptist Kohhran, ECM, LIKBK leh Salvation Army te an ni.
March 28, 2023 khan Council of Churches in Mizoram ruangam tur duangtu Drafting Committee an thu khawm a, Lungrual takin Church Council ruangam (structure) an duang fel.
April 3, 2024) chawhnu dar 1:00 khan Synod Office J.M. Lloyd Hall-ah Mizorama Kohhrante Inpumkhatna (Council of Churches in Mizoram) Joint Committee an inhmukhawm a. Hetah hian kohhran hrang paruk aiawh an tel thei a, mi 37 an kal khawm a ni. Meeting-ah hian Council of Churches in Mizoram Constitution buatsaih chungchang te, CCM din a nih theihna tura Implementing Committee din chungchang te ngaihtuah a ni. Council of Churches in Mizoram hi kohhran hrang hrang Inkhawmpui leh thuneitu sangten din tha an tih vek tawh a ni a, a ruangam leh a kalphung duan mek zel a ni.
Committee leh ngaihtuahtu hrang hrang din ten ngaihtuahin KOhhran tin Committee sang lamah hmalakna pawm zel a ni a. Tichuan October 26&27, 2024 hian Biakinpui, PCI, Mission Vengah he KOhhran Inpumkhata Thawhhona – CCM_Council of Churches in Mizoram RorelINkhawm Hmasa ber leh Hawnna INkhawmpui chu neih turin rel a ni ta a. heath hian Hruaitu tur rawt lawk tawhte pawmna leh Constitution pawmna te neih a ni ang a. CCM Office Hawn a ni nghal bawk ang.
Tih belh duh, dik lo tih dik ngai te inhrilh ila
We use cookies to analyze website traffic and optimize your website experience. By accepting our use of cookies, your data will be aggregated with all other user data.