Kum 1967 – 1970 velah khan Chanchin Tha la hre lo ramthim veina boruakin chhim lam (Phawngpui Tlang chheh vel) chu nasa takin a tuam a. Chu boruak kal zel chuan May 23, 1970 khan Ngunlinga Bualpui (Bualpui ‘Ng’) – ah ‘Isua Krista Kohhran’ tih hming pu Kohhran thar a lo ding a. He Kohhran hian a indan chhan ang takin a theih ang angin ramthim rawngbawlna a kalpui a, hnam ang pawhin ke a pen chho ta a ni. Hun a lo kal zel a, hetiang boruak avâng leh hnama Pathianin a din inhriatna avângin hnam hming chawia Kohhran din tul tihna a lo awm leh a, January 07, 1982 – ah Lawngtlaiah, ‘Pawiram Baptist Kohhran’ (a hnuah, Lairam Baptist Kohhran) chu a lo ding ve leh ta a ni. Heng Kohhran pahnih member tam ber te hi Baptist Church of Mizoram (BCM) atanga chhuak (indang) an ni.
Hun a lo zel a, unau, hnamkhat, hmun khata awm, rilru inang leh tum thuhmun Kohhran hranga awm reng chu Kohhran hruaitute chuan tha ti lovin hmalakna kalpui a ni a. Kohhran pahnihte hian inbiakna vawi engemawzat an neih hnuin November 27, 1999 khan ‘Isua Krista Kohhran (IKK),’ Bualpui ‘Ng’ leh ‘Lairam Baptist Kohhran (LBK),’ Lawngtlai te chu Kohhran pakhat ah an lo inchhungfin (Inpumkhat) a, chu chu tuna ‘Lairam Isua Krista Baptist Kohhran (LIKBK)’ tih hi a lo ni ta a ni.
Tuna Assembly puipate :
Chairman : Rev C. Hrangzuala
Chairman Elect : Upa L.H. Mawia
General Secretary : Rev. B. Zazawna Lai
Associate General Secretary i/c Service : Rev. Dr. L.H. Lalpekhlua
Associate General Secretary i/c Mission : Rev. Dr. C. Lalmuankima
Tuna Kohhran dinhmun tlangpui :
1 Kohhran chhûngkua zat 6527
2 Tualchhung Kohhran zat 119
3 Preaching Station zat 4
4. Kohhran Member zat (Ramchhung) 33841
5. Member puitling zat 22435
6. Member Puitlinglo zat 11406
7. Mipa zat 16777
8. Hmeichhia zat 17064
9 Pastor Bial zat 25
10. Regional Church Council zat 5
11. Minister thawklai zat 50
12. Probationary Pastor zat 7
13. Kohhran Upa zat 751
14. Rawngbawltu zat 1026
15. Mission field neih zat 4
16. Missionary neih zat 94
17. Native Worker (Missionary) zat 73
18. Ram pawn & Chakma Mission Member zat 4241
Tih belh duh, dik lo tih dik ngai te inhrilh ila
We use cookies to analyze website traffic and optimize your website experience. By accepting our use of cookies, your data will be aggregated with all other user data.