Mission Veng Presbyterian Kohhran hi tunah hian a kum 125-na a hmang zova. Kum 1898 February 15-a din a ni a. Tunah hian member 4105 awmin tuna Inkhawmna Biak In hi a din tirh atangin BIak In 6-na a ni. He kum 125 chuang chhung hian he Kohhranah hian thil tam tak a thleng a. A din tirh lama thil thelng hi Mizoram tana chanchin pawimawh bik a ni a hengte hi Mission Veng KOHhran nena inzawm tlat a nih avangin kan sawi tel vek mai dawn a ni.
Sapupa (FW Savidge) leh Pu Buanga leh Zosaphluia (Rev. DE Jones)te awmna ThingpuihuanTlangah atangin an pathum hian Thingpuihuantlang-Thangphunga Veng atang hian Mission Veng-ah hian rawn insawn pheiin an inbengbel a, December 31, 1897 hian Pu Buanga leh Sap Upa te hian Zosaphluia hi sapramah an hawsan ta a. Kum 1898 a lo thleng a, Chanchin Tha eng chuan thim a kiantir zel a, Chanchin Țha mei de re re chu a lo alh chho țan ta. February 15, 1898 chuan Zosaphluia chuan Zirna School leh Pathian Biak Inkhawmna BIak Ina hman kawpah chuan zirna leh Pathian Biak inkhawm te, Sunday Schoiool te a kalpui ta a. Hemi ni hi Mission Veng Kohhran Din ni a tana pawm a ni a. Mizorama Kohhran hmasa ber din ni a tih theih bawk a ang chu. Hemi kum hian Zosapthara Rev Edwin Rowlands pawh December 31-ah a lo thleng ta bawk a, heta Kohhran Zosaphluia lo din chu enkawlpuiin Chanchin Țha hril an thawk dun ta. KOhhran hi a țang ta zel a ni a. Tun thleng hian Synod hotute țhuthmun Moderator leh Executive Secretaries te, Department hrang hrang hotute awmna hmun a ni. He CCM Inkhawmpui hmasa ber hi phur taka thleng turin an inpuahchahchho mek a ni.
Tih belh duh, dik lo tih dik ngai te inhrilh ila
We use cookies to analyze website traffic and optimize your website experience. By accepting our use of cookies, your data will be aggregated with all other user data.