ISUA KRISTA KOHHRAN
HEADQUARTERS, BUALPUI (NG)
Isua Krista Kohhran, Headquarters; Bualpui (NG) hi kum 1970, May ni 23- khan lo ding
\anin, he kohhran hi ramthim rawngbawlna ngai pawimawh tak leh chanchin \ha la hrelo te hriattirna kawnga phak tawka thawk \hin an ni. He kohhrana lawi member tam zawk te hi Lawngtlai District leh Siaha District-a mite an ni a, chhim lama kohhran ding hmasa pawl leh pawimawh tak pakhat a ni. An chanchin hi thui taka sawitur awm mah se an dinhmun tlangpui chauh hetiangin tarlang ila.
I. Inchhiarna lam.
A lo din \an tirh lai leh hun engemaw ti laia kohhran naupang leh member \hang
duang tak tih lo ni \hin mah se, chhan hrang hrang avanga kohhran in\henna a awm
hnuin tunah hian ramchhung leh pawnah member 5078 awmin, Mipa 2347 leh
hmeichhia 2741 an awm a ni. Kohhran headquarters hi Lawngtlai District-a Bualpui
(NG) niin, Pastor pakua an awm a, Pastor Bial pali ah \henin; Bualpui (NG), Siaha,
Lawngtlai leh Tipa bial ah te an awm a ni.
II. Kohhran dinchhan leh hmathlir
Isua Krista Kohhran lo pian chhuah dan leh pian chhan hi tam tak sawi tur awm mah
se, Kohhrante rilru luahtu ber leh hmathlir lian ber chu Isua Krista chanchin \ha puan
darh hi a ni. Kohhran lo dinchhan hi hlawm lian pali ah hetiangin sawi \hin a ni;
Chanchin \ha puandarh nan, Krista Lalna ram buatsaih nan, Ram Maicham atan leh
Tisa lam harsatna sutkian aniha tisa leh thlaraua hahdamna atan. Heng ang Kohhran
dinchhan leh hmathlirte tihlawhtling tur hian kohhran chuan kawng hrang hrang
hmangin hma a la a, a thawk zel \hin a ni.
III. Rawngbawlna
1. Ramchhung rawngbawlna: Chanchin\ha rawngbawlna ngaipawimawh tak
kohhran niin, kohhran a lo din \antirh phat a\angin ramchhung leh rampawn
rawngbawlna angai pawimawh hle a, ram chhunga Tuikuk leh Takam ho zingah
te rawngbawlna neiin, thawktute pawh an in dah \hin a, Pathian thu hmanga
khawtlang hmasawnna leh changkanna ngaipawimawhin School te pawh dinin a
lo kalpui tawh \hin a, tin, hnuchham enkawlna te neiin an lo buaipui tawh \hin
bawk, Hmun hrang hrangah drug store te neiin man tlawm zawkin damdawite
hralh \hin a ni a, tunah hian Bualpui (NG) ah active taka kalpuiin, a khua leh a
chhehvel ten an hmang \angkai tak zet a ni.
2. Ramthim rawngbawlna: Isua Krista chanchin la hrelo te hnena chanchin\ha
puandarh hna hi kohhrante chuan ngai pawimawh em em in, Myanmar ah te field
hawngin, missionary te a tira, mahni kut-kea ding thei an nih thlengin a lo enkawl
tawh bawk. Tin, India ram chhung hmun dang dangah pawh field te hawngin
missionary a tir \hina, Maharashtra field phei chuan malsawmna tam tak dawngin kum 2002 chauhva hawn ni mah se, hun reilo te chhungin ringthar tam tak an
awm a, tunah hian Field Director hovin missionary leh aram thawktu te nen mi
sang chuang zet an awm tawh a ni. Heng rawngbawlna hmunah te hian
Vocational Bible School te, Puan \hui zirna te neiin thawktute pawh hmun hrang
hrangah training in tirhchhuah \hin an ni bawk.
Tih belh duh, dik lo tih dik ngai te inhrilh ila
We use cookies to analyze website traffic and optimize your website experience. By accepting our use of cookies, your data will be aggregated with all other user data.