Evangelical Free Church of India (EFCI) bul ṭanna chu February 5, 1910 aṭanga chhui ṭan theih a ni. Aizawl, Mizoram kaltlanga Manipur Chhimthlanga Chanchin Ṭha rawn thlentu hmasa ber (Pioneer Missionary) chu Mr. Watkin R. Roberts (December 21, 1886-April 20, 1969) a ni a. Amah hi tlangvâl laia Wales ram aṭanga Missionary-a pênchhuak a nih avângin “Pu Sâp Tlangvâl-a” tia koh a ni. India ram a chhuahsan hnuin a hun tâwp Canada ramah a hmang a ni.
Pu Sâp Tlangvâl-a hmalâkna leh amah thlâktu tura a ruat Rev. Dr. Rochunga Pudaite, zârah Thado-Kuki Pioneer Mission (TKPM), Indo-Burma Pioneer Mission (IBPM), Bibles For The World (BFTW), Partnership Mission Society (PMS), Independent Church, Independent
Church of India (ICI), Evangelical Free Church of India (EFCI), Sielmat Christian College,
Sielmat Christian Higher Secondary School leh Trinity College & Seminary te a lo piang chho ta zêl a ni. Amaherawhchu, kohhran chhungah duh dan a lo danglam avângin, tuna EFCI kohhran lo ni zêl ta hi, EFCI hming a la put hmain New Saikawt, Churachandpur, Manipur-ah “Special Presbytery” March 22-24, 1968 khan neih a ni a. Chu Special Presbytery kal zêl chu EFCI bul ṭan tharna niin, June 3, 1972 khan Evangelical Free Church of India (EFCI) hming a lo pu ṭan a ni. EFCI kohhran chu rawn ṭhangchho zêlin, India ram hmun hrang hrangah Biak in leh Mission Field te din a lo ni ta a.
EFCI kohhran innghahna Bible châng pawimawh êm êm chu “Khawvêl zawng zawngah kal ula, thilsiam zawng zawng hnênah chuan Chanchin Ṭha hi hril rawh u” (Marka 16:15) tih hi a ni. Kohhran member te chu Pathian thutaka inthuama, fîmkhur taka Lal Isua min zirtîrna kalpuia, Lal Isua hnungzuitu rinawm leh ṭha ni a, Lal Isua hmangaihna phurchhuaka Chanchin Ṭha hril darh hna thawh zêl a ni.
Tih belh duh, dik lo tih dik ngai te inhrilh ila
We use cookies to analyze website traffic and optimize your website experience. By accepting our use of cookies, your data will be aggregated with all other user data.