Wesleyan Methodist Kohhran hi John Wesley-a rawngbâwlna kal zêlin hrin chhuah a ni a. John Wesley-a hi kum 1703 khân England ramah a piang a. A nu leh pa hming chu Rev. Samuel Wesley leh Susana Wesley an ni. An unau 19 zingah Jobn Wesley ni 15na a ni a,an unau zingah hla phuah thiam Charles Wesley hi a naupang ber a ni a, hla 6,000 chuang a phuah a, Mizo Kristian Hla bu-ah pawh hla engemaw zât seng luh ve a ni. John Wesley- a hikum 6 mianihin an in a kang a. A chhûngte an tlân chhuah vek hnuah, an in bul vêla inhlawhfa riak khâwm ho chuan ar chhanchhuak ta a. A puitlin hnu a a rawngbâwlnaah pawh "Meipui laka chhan chhuah ka ni" a ti fo țhin
John Wesley-a hi Oxfort University-ah lûtin, kum 1727. ah M.A a zo a. Lehkha thiam thei tak a ni a, Oxford Lincoln College pawhin mithiam tlinga an pawm member nihna an pe nghe nghe a ni. College-ah kum khat zirtirtu hna a thawh hnuah a pa rawngbâwlna chhunzawmin puithiamah nemngheh a ni a College an kal lai hian a nau Charles Wesley-a leh an thian te nen Pawl Thianghlim "Holy Club" an din a. An hun awl neih apiangin Pathian biak hona te, Bible chhiar leh tawngtai te an neiin, damlo kan leh rethei țtanpuina te an nei bawk thin. Tib dân bik nei a thil an tih thin avângin "Methodist" (Dân ang thlapa thil ti ho) tiin an koh phah hial.
Mizoramah chuan Methodist Kohhran hi kum 1987 ah a lo ding a, kohhran chhûnga harsatna eng emaw avângin kum 1993 khân Wesleyan Methodist Kohhran hi a lo ding hrang ve leh a. Kum 2000 ah Wesleyan Methodist Church of East India (WMCEI) nên rawngbâwl tlâng tûrin an inzawm a. Mahse țawng leh inkal pawhna harsatna avângin leh Kohhran hmasâwn zâwkna tûrin Mizoram Wesleyan Methodist Kohhran chu 1s March, 2015 khân a hranga inrelbâwl leh tûrin dah a ni leh ta.
Tih belh duh, dik lo tih dik ngai te inhrilh ila
We use cookies to analyze website traffic and optimize your website experience. By accepting our use of cookies, your data will be aggregated with all other user data.